Yamahatunet sel nye og brukte Yamaha-produkt for vatn, veg og terreng – til bruk både sommar og vinter. Vi sel fritidsbåtar for bruk på innsjøar, fjordar og langs kysten, og er forhandlar av Kimble, Pioner, Alufish, Yamarin, Steady og Mazuri. Båtane er produserte i aluminium, plast eller glasfiber og vert leverte med motor og utstyr tilpassa kunden sine behov.

Vi sel òg tilhengarar for transport av båtar, motorkøyretøy, varer og dyr. I tillegg arbeider vi med båtmotorar, ATV og UTV, mopedar, lette motorsyklar, kjelkar og ulike ATV-doningar.

Vi monterer og klargjer nye produkt og utfører service, vedlikehald, feilsøking og reparasjonar. På verkstaden vår reparerer og vedlikeheld vi òg tilhengarar og anna utstyr knytt til produkta vi sel.

Hos oss får du ein variert arbeidskvardag med tekniske oppgåver, praktiske utfordringar og nær kontakt med kundane. Vi ønskjer medarbeidarar som tek ansvar, arbeider nøyaktig og bidreg til at kundane får god hjelp – både før, under og etter kjøpet.